Shuni yodda tutingki, ushbu royxatdagi xohlagan mamlakatga sayohat qilishingiz uchun muddati 72 soatdan ortiq bo’lmagan PCR-test natijasi kerak. Aks holda, sizga samolyotga o’tirishga ruxsat berilmaydi, bu juda alamli, albatta.
Qozog'iston.
Juda jozibali tuyulmasligi mumkin, lekin boshqa tomondan — o'xshash madaniyat, arzon va yaqin. Shimkent va Olmaota bo’yicha hammasi tushunarlidek, ammo yaqindan siz Turkistonga ham borishingiz (va uchishingiz) mumkin.
Qirg'iziston.
Eng muhimi — yaqin. Butun Qirg'izistonni aylanib chiqish qiyin, ammo hech bo'lmaganda Bishkek va Issiqko'lga tashrifni amalga oshirsa bo’ladi. Boz ustiga, Issiqko'ld yaqin orada cho’miliish mavsumi ochiladi va bu eng maqbul imkoniyatlardan biridir.
Turkiya.
Koronavirus bilan bog'liq vaziyat hozir murakkab, ammo agar siz emlanishga ulgurgan bo'lsangiz — unda muammo bo'lmaydi. O’sha qadrdon Istanbulga parvozlar hanuzgacha mavjud va yetib olgandan so’ng esa — hammaga tanish bo'lgan baliq-ekmek, Ayasofiya, ajoyib kofe va chiroyli ko'cha mushuklari.
BAA.
Bu variant bilan sizni hayratda qoldirish niyatimiz yo’q. Ammo FlyDubai orqali siz nisbatan arzon parvoz qilishingiz mumkin (solishtirdik — chet eldan borib-kelishga ketadigan yo’l harajati 500 dollargacha bo’lgan variantlar unchalik ko’p emas), unda nega yana bir aylanib kelmasligimiz kerak.
Misr.
Ehtimol, bu yo'nalish bo’yicha (agar borgan bo'lsangiz), yo’llanma bilan borgansiz. To'satdan — u erga mustaqil borishingiz ham mumkin. Mehmonxonalarni tanlash, dasturni rejalashtirish, qayerda va nimalarni tanovul qilish sizning zimmangizda. Yana o’zingiz bilasiz, albatta.
Gruziya.
Bizda eng mashhur yo'nalish emas, ammo bekorga. Avvalo — narxlar. Ular bizdagi narxlar bilan birdek (ba'zan esa hatto arzonroq). Ha, hozir u yerda soat 21: 00 dan keyin hammasiga cheklov qo'yilgan, ammo u vaqtgacha mahalliy madaniyatdan bahramand bo'lishingizga kim to'sqinlik qilmoqda?
Ukraina.
Juda yaxshi, juda mazali, unchalik qimmat emas. Ayniqsa, Kievda emas, biroz chetroqda o’yin-kulgu qilsangiz. Ko'p asrlik tarix — va, eng muhimi, osiyoliklarga nisbatan ajoyib munosabat. Nimadir sababli emas, o’zlari shunday.
