Issiq-Ko’l jonga tegishga ulgurganda: Burabayga yo’l olamiz

Burabay ko’li (Borovoe deb ham aytishadi) - Issiq-Ko’l o’rnini bosa oladigan ajoyib tanlov. Biz ko’nikkan qirg’iz kurortidan farqli o’laroq u dengizdek bo’lishga urinmaydi, uyerning tuzilmasi yaxshiroq, o’zingizni band qilolasiz va shunchaki go’zal. Xullas, agar bu yili “Arpa” ichishni yoki BAA dek joylarda oilaviy dam olish uchun bir-necha ming dollar sarflashni xohlamasangiz - ko’z ostingizga olib qo’yishingizni maslahat beramiz.

U yerga borib nima qildim?

Aslida Burabay — bu ko’l emas, ko’llar majmuasidir, va nomi shularning eng kattasining nomidan kelib chiqqan. Tabiati o’xshashligi uchun uni yana “Qozog’iston Shveytsariyasi” deb ham atashadi, ammo buni qozoqcha odat deb hisoblasak bo’ladi — ularda “Qozog’iston Alplari” ham, “Qozog’iston Dubayi” ham, “Qozog’iston Venetsiyasi” ham bor. Umuman olganda, ularga baho berish bizning ish emas.

Issiq-Ko’ldan farqli ravishda bu yerda tabiat rang-barangliroq: ko’llardan tashqari qirlar, qoya va o’rmonlar bor. Gapni indallosi, faqat shezlongda yotib, katamaranda uchishdan boshqa mashg’ulotlar ham topiladi: treking, qoyaga chiqish, baliq ovi, kumis asosida sog’lomlashtirish dasturlari, otda sayirlar va miliy bog’ni ko’zdan kechirish. Vaholanki, sayyohlarning asosiy qismi shunchaki cho’milib, Jumbaqtas fonida suratlarga tushishadi.

Turar joy masalasida muammo tug’ilishi kerak emas: 400 dan oshiq otel, dam olish maskanlari, sanatoriy, pansionat va bolalar lagerlaridan iborat tanlov bor. Hatto Rixos Borovoe ham bor, lekin tejamoqchi bo’lsangiz — unda xostelda to’xtashingiz yoki mahalliy aholidan ijaraga kvartira olsangiz bo’ladi. Burabayga dam olish maqsadida nafaqat butun Qozog’istondan, balki Omsk, Novosibirsk, Tyumen, Yekaterinburglardan kelishadi — ularga ancha arzonroq.

Yozda suv harorati — +20 gradus atrofida, ammo eng muhimi, qarag’ayzor tufayli kurortda chivinlar deyarli yo’q.

Ho’p, uyerga qanday boriladi

Burabayni o’zida aeroport yo’q — eng yaqini 80 km uzoqlikda, Kokshetauda joylashgan. Ammo bu eng qulay yo’nalish emas, yo’lda 6 soat kutib boshqa samolyotga minish zarur. Shundan eng maqbuli — to’g’ri reys bilan Nur-Sultonga (Astana) uchish, uerdan keyin 3-4 soatda 257 km ni reys avtobusida, poezdda yoki taksida (avtovokzalda kelishib olsa bo’ladi, biroq inDriver ilovasidan foydalanish qulayroq bo’ladi) bosib o’tish.

Narxlar haqida ham aytib o’tinglar

Agar mushkul yo’llarni xushlasangiz, Kokshetaugacha ikki tarafga chiptalar 310$ ga aylanadi. Unday bo’lmasa — Toshkentdan Nur-Sultonga borish va ortga qaytish uchun chipta narxi 123$ dan boshlanadi. Poezd yoki elektrichkada yo’l haqqi 3$ dan, avtobusda 5$ dan boshlanadi, taksida esa kelishishingizga bog’liq, ammo kishi boshiga 15$ dan oshmasa kerak. Nur-Sulton — Burabay trassasi pullik ekanligini inobatga olib qo’ying, 0.5$ to’lashga to’g’ri keladi.

Biroz boshqa narxlar haqida:

Xosteldagi joy — 6 $ dan boshlab

Mehmoxonada qulayliklarisiz bo’lgan xona — 14$ dan boshlab

Mehmoxonada qulayliklari bo’lgan xona — 20$ dan boshlab

Mehmoxona yoki pansionatdagi xona, uch mahal ovqatlanish bilan — 40$ dan boshlab

Mahalliylardan ijaraga kvartira olish — 30 $ dan boshlab

Basseyni bor dam olish maskanidagi xona — 60$ dan boshlab

Shezlongli pullik plyajga kirish — 2$ dan boshlab

Katamaranda uchish — 30 daqiqa uchun 3$ dan boshlab

Milliy bog’ga kirish — 0.5$

Kompleks tushliklar — 3$ dan boshlab

Qahvaxonadagi bir sih kabob — 3$ dan boshlab

Qahvaxonadagi mahalliy pivoning bir krujkasi — 2$ dan boshlab

Bozordagi qaynatilgan qisqichbaqalar — donasiga 1$ dan boshlab