Work&Travel bo’yicha AQSh ga qanday borib qoldim. — Блог aviasales.uz

Salom! Ismim Pasha va men Work&Travel bo’yicha sayohat haqida bir-ikki fikrlarim bilan bo’lishmoqchiman. Ayon-ki, dasturda ishtirok etish uchun til bilish darajasi o’rtachadan yuqori bo’lishi kerak, yo’qsa elchixonadagi interviyu va suhbat jarayonida muammolar tug’iladi. Lekin sayohat vaqtiga kelib, men Vestminster universitetining uchinchi bosqish talabasi edim, shunday ekan, ingliz tilini allaqachon o’zlashtirgandim. U yog’iga esa, quyidagi royxat bandlari bo’yicha ish tutishim keragidi. 

Work&Travel dasturiga qanday qo’shilsa bo’ladi

1. Talabalarni chet elga jo’natish bilan shug’ullanadigan agentlik bilan bog’lanish — mening holimda bu CHI (Cultural Homestay International). Ularga ariza topshirib, ular bilan bir nechta interviyu o’tkazish kerak edi. 

2. Job offer (ish haqida taklif) va yashash uchun joy tanlash, odatda bu borada agentlik yordam beradi — mening holimda bu ish berdi. 

3. J-1 vizasini olish uchun zarur hujjatlarni yig’ish va interviyudan o’tish (bu safar AQSh elchixonasida).

O’rtacha hisobda, sayohat 4500$ ga aylandi + o’zimni AQShda favqulodda vaziyatda ta’minlay olishimni isbotlash uchun bankdagi ma’lum miqdordagi puli bo’lgan hisob raqamini ko’rsatish zarur edi.

Ogohlantirib qo’yay, chiptalarni ancha avvaldan izlash lozim: men Niyu-Yorkga 600 dollarga borib kelganman, hozir narxlar ancha baland. Biroq  Aviasales da, masalan, borib kelish uchun chiptani 1050 dollarga topsa bo’ladi.

Work haqida tushunarli, endi Travelga o’taylik

AQSh bo’ylab ichki sayohatlarda men mahalliy aviachiptalar izlagichidan foydalanardim va chipta narxiga qo’shilgan qo’shimcha xizmatlarga ahamiyat bermabman (bekor qilibman). Bu xizmatlar menga kerak emas edi, lekin ular uchun baribir to’lashga to’g’ri keldi — nima deymiz, chiptalar narxini qayta tekshirish zarur, o’sha Aviasales da, masalan.  

Turar joyni men oldindan Airbnb da izladim. Men Manxettendagi kvartirani ijaraga olib turardim va ogohlantirayin-ki, u yerda bari O’zbekistondagidak emas — agar, deylik begona hidlarni sezsangiz, hayron bo’lmang. Biroq mahalliy aholi ularga allaqachon ko’nikib ketgan.

Umuman olganda Work&Travel amerikaliklar madaniyati bilan tanishish, o’zgacha insonlar bilan suhbatlashish uchun haqiqiy imkoniyat yaratadi — va dastur yakunlanganidan so’ng shtatlarni astoydil sog’inishga majbur qiladi.

Muhimi — bir necha jihatlarni eslab qoling: chiptalarni va turar joyni hech bo’lmaganda 2 oy avval band qilgan ma’qul, yoningizda pul ortig’i bilan bo’lishi kerak, o’zingiz esa mahalliy qoida va qonunlardan xabardor bo’lishingiz zarur, aks holda deportatsiyaga yo’liqishingiz mumkin. Va mening sizga maslahatim: pul deb emas, mustaqil hayotning yangi tajribasi uchun uching!